Өөрийгөө хайрлах урлаг
Хүн бусдад аз жаргал, инээмсэглэл бэлэглэх дуртай байдаг. Хэн нэгэнд хэрэгтэй үед нь туслаж, ямар ч хэцүү үед нь хамт байж, уйтгар гунигаас хуваалцахад цагаа зориулдаг.
Ийм төрлийн хүмүүс яг цагаа тулахад бусдад зориулж буй цаг хугацааг, урмыг өөртөө өгч чадахгүй байх нь элбэг бөгөөд эсрэг утгаараа өөрийнхөө аз жаргалыг бусдаас хайдаг төрлийн хүн гэж ойлгож болно.
Бид өглөө хичээлдээ явж байгаа хүүхэддээ, хань ижилдээ, хайртай хүмүүстээ урмын болон талархлын үгийг хэлдэг хэрнээ өөртөө зориулж чин сэтгэлээсээ хайраа өгдөггүй аж.
Хамгийн эхэнд хүн өөрөө өөрийгөө хайрлаж, өөртөө урмын үг хэлж, өөрийнхөө ажилд амжилт хүсэх чухал. Өөрийгөө хайрлаж сурсан хүн бусдын санаандгүй болон санаатай хэлсэн үгэнд гомдоллохгүйгээр өөрийн арга барилаар амьдардаг.
Бусдад өгөхөөсөө илүүтэйгээр өөртөө эхэлж өгдөг хүн хариуцлагаа өөртөө хүлээж, зөв сонголтуудыг хийх чадвар өсдөг.
Өөрийгөө хайрлаж сураагүй хүн бусдын аз жаргалаас шалтгаалж амьдардаг. Өөрөөр хэлбэл, хэн нэгэн хүнээс инээмсэглэх шалтгааныг хайна гэдэг хэзээ ч бүтэхээргүй зүйлийг хүлээж цагаа барахын гарз.
Хүн хүлээлтээс болж сэтгэлээр унаж, хүлээлтээс болж урам хугардаг.
Иймд яг одоо өөрийгөө хайрлаж, инээмсэглэх шалтгаанаа өөрөөсөө хайж сураарай!
"30 ХОНОГТ АМЬДРАЛАА ӨӨРЧИЛЬЕ" гайхалтай гоё аянд оролцохыг урьж байна.
Имэйлээ бүртгүүлээд, ид шидийн юм шиг гайхалтай амьдралыг бидэнтэй хамт бүтээж эхлээрэй. Мянга мянган хүний амьдралыг өөрчилж буй энэ гоё боломжоос бүү хоцроорой!