Сайн байцгаана уу, энэ удаагийн Бэрхшээл ба Боломж 13 дахь цуврал ярилцлага ийнхүү бэлэн боллоо. БНСУ-д оршин суудаг LEADER хэвлэлийн компанийг үүсгэн байгуулагчдын нэг Э. Хулан оролцож байна. Тэрээр хүүхэд хөгжил, гэр бүлийн талаар Монгол гэр бүлүүддээ зөвлөгөө өгч хамтран ажилладаг. Мөн Англи Солонгос Монгол 3 хэл дээр уншдаг номнуудыг бүтээсэн. Монгол хүүхдүүдээ хос хэлтэй болгох дадал зуршлыг бий болгох зорилготой.
Ер нь гадаадад амьдардаг гэлтгүй Монгол хүүхдүүд ч гэсэн хос хэлтэй байх зайлшгүй чухал үе ирээд байгаа юм. Энэ нь цаашлаад хүүхдийн тархины хөгжил, хувь хүний хөгжил, шинэ зүйлийг сурах чадвар, ялгаатай соёлд суралцах гээд маш олон давуу талтай.
Учир нь цаг үеэ дагаад хөгжихгүй бол нийгэмдээ гологдох, болон тухайн орны хэлийг заавал сурах шаардлагатай ч, эх хэл соёлоо мартуулахгүй байхын тулд Монгол хэл соёлыг нь эцэг эхчүүд нь ярьж, хэлж ойлгуулах нь зайлшгүй зөв юм. Түүнчлэн эх хэлээ Монгол хүн бүр дээдлэн хүндэтгэж, өв соёлоо хойч үедээ өвлүүлэх нь бидний үүрэг билээ.
Хэрвээ та номны талаар мэдээлэл авахыг хүсвэл https://www.facebook.com/leader.book.568 холбоосон дахь пэйжээс лавлаарай.