Бизнес хийж сурна гэдэг бол өөрийнхөө дотор нуугдсан олон талсттай Даймондыг гаргаж ирэн гэрэлтүүлж сурах чадварыг эзэмшинэ гэсэн үг гэж ойлгосон. Зөвхөн тэр хувь хүнд л байдаг онцгой даймондоор дамжуулж "Ямар бүтээгдэхүүн, Үйлчилгээгээр Хэний ямар асуудлыг Хэзээ, Хэрхэн яаж шийдвэрлэх вэ?" гэдэг чадварыг эзэмшдэг хөтөлбөрт оролцож, одоо өөрийнхөө үнэ цэнийг өдрөөс өдөрт мэдэрч, урамшиж, амьдралын аз жаргал, баяр баясгаланг мэдэрч яваа би азтай хүн.

Бизнес хийнэ гэдэг надаас их хол хөндий ойлголт мэт санагддаг байлаа, гэтэл яг үнэндээ би бизнес хийж л амьдардаг байснаа өөрөө ч мэддэггүй байжээ, энэ хөтөлбөрөөс зөвхөн танд зориулсан бизнестэй холбоотой цогц гаргалгааг та өөрийн ид шидээр бүтээх боломжтойг харах, мэдрэх, хийх боломжтой. Гайхалтай биш гэж үү дээ.

Хөтөлбөрт хамрагдахаасаа өмнө бизнес хийнэ гэхээр их мөнгөтэй хүмүүсийн хийдэг зүйл гэж боддог байлаа. Харин Миний бизнес хөтөлбөрийн оролцогч болсноор өөрийнхөө хувьд бизнесээ эхлүүлсэн гэдгээ олж мэдсэн бөгөөд цаашид яаж зөв системтэйгээр өргөжүүлэн томруулах уу гэдэг сэтгэлгээнд суралцаж явна. 2 жилийн өмнөх "би"-гээ одоогийн "би"-тэй харьцуулахад илүү суурь сайтай, хэр баргийн зүйлд хөнгөн хандаж үйлдэл хийхээргүй судалгаа нотолгоотой ханддаг болсон бөгөөд хийж буй бизнесээ хэрхэн тогтвортойгоор, амжилттай бизнес модель болгох уу гэдгийг А-с нь Я хүртэл суралцаж явна. Миний бизнес хөтөлбөрөөс надад хамгийн таалагдаж байгаа зүйл нь яг тухайн мөчид сурсан зүйлээ бизнес дээрээ шууд хэрэгжүүлэх боломжтой нь амьдралд  маш ойр бөгөөд бодитойгоор хөгжиж дэвшиж урагшлах боломжийг олгодог.

Би 2007 онд гадаадад гарч ирээд хар ажил хийж байгаад 2009 онд сэргээн засах чиглэлээр хувийн эмнэлгээ нээж ажиллуулж эхэлсэн ч 2020 онд МБ хөтөлбөрт суралцах хүртлээ өөрийгөө бизнес эрхэлж байна гэж мэдээ ч үгүй л ажилласан юм байна лээ. Ажиллах ёстой, үйлчлэх ёстой, эмчлэх туслах ёстой л гэж сэтгэж явснаас биш би бизнес эрхлэгч юм чинь ашиг орлоготой байх ёстой, би үнэ цэн өгч байгаа юм чинь үнэлүүлэх ёстой гэж огт бодож байгаагүй. Харин ч энүүхэндээ чимээгүй л олдсоныгоо хийгээд байж байя энэ нь болоо ш дээ гэж сэтгэхээр өсөх, ихийг олох, бизнесээ өргөжүүлэх бодол яаж төрөх вэ дээ. МБ хөтөлбөрт суралцсанаар би нээрээ бизнес хийгээд байгаа юм байна ш дээ, тэр тусмаа хэн хүнтэй харьцуулшгүй үнэ цэнтэй бүтээгдэхүүнийг өгч буй, 13 сая хүн амтай зах зээлийн эзэн юм байна ш дээ гэж ойлгож, сэтгэж эхэлснээс хойш өсөлт бол гэрлийн хурдаар урагшилсан. МБ хөтөлбөр л өрний эзнийг, хөрөнгөний эзэн болгож 2-хон жилийн дотор 3 том хөрөнгө оруулж чадаад ашгаа хүртээд айдастайгаар 10 хоног л чадан ядан амардаг байсан бол аз жаргалтайгаар 45 хоног амраад явах тэнхээтэй болсон. Ер нь хүн бүхэнд боломж байдаг, харж чадах талбайгаараа л боломжоо харж амжилтаа бүтээдэг, МБ бол харах талбайг томсгож олж харах чадварыг нэмэгдүүлдэг. Хүссэн бүхэн бизнес хийчихдэггүй юм билээ. Зорьсон, харсан хүн л сурсан мэдлэгээрээ хийдэг гэж би боддог.