Та нарийн ширийн зүйлийг ч орхилгүй анхаардаг бөгөөд ихэнхдээ хэт болгоомжтой байдаг. Уоррен Баффетаас эхлээд Хенри Форд, Facebook-ийг үндэслэгч Марк Зукерберг, Google-ийн үүсгэн байгуулагч Ларри Пэйж, Сергей Брин, мөн Рокфеллер, Макдоналдс РэйКрок зэрэг хүмүүс Стийл гоц авъяастнуудын төлөөлөл юм.  Та аналитикаар сэтгэдэг хүний хувьд баримт нотолгоон дээр үндэслэн (санхүүгийн) шийдвэр гаргахдаа сайн нэгэн.
Энтрепренёрын хувьд таны ялалтын стратеги бол таны ажил дээр гэрэл тусгах сайн сайхан болоод өндөр чанарт тэмүүлэгч багийг бүрдүүлэх явдал юм.

Бид бүгдэд 4 төрлийн Genius тодорхой хэмжээгээр байгаа, гэхдээ бидэнд аль нэг Genius нь бусдаасаа илүү хүчтэй заяасан байдаг.
Бид уг Genius дээрээ анхаарлаа илүүтэй төвлөрүүлэх нь, өөрөөр хэлбэл өөрийн хамгийн хүчтэй, давуу тал дээрээ төвлөрөх нь  хөл бөмбөгийн тоглолтод нэг байрлалыг сонгохтой адил юм. Өөртөө тохирох хамгийн шилдэг байрлалыг олсноор тухайн зүйл дээрээ илүү өндөр ур чадвартай болж, амжилт гаргаж, багийн бусад гишүүдийнхээ хувьд хамгийн үнэ цэнтэй нэгэн байх боломжийг олгодог. Энэ нь та бөмбөгний араас байнга хөөж гүйхийн оронд, бусад хүмүүс тань луу бөмбөгийг дамжуулж эхэлнэ гэсэн үг юм.