Өдөр 30. Бяцхан охины 30 жил нуусан нууц хүч

Танд энэ өдрийн мэндийг хүргэе! 30 хоногт амьдралаа өөрчилье цувралын маань 30 дахь өдөрт тавтай морил. Хамгийн сүүлийн өдөр. Сүүлийн тэмээний ачаа хүнд гэдэг.  Бид таныг өнгөрсөн 30 хоногт өөрчилсөн амьдралаа эргэн харж өөртөө баяр хүргэж, ирээдүй рүүгээ зоригтой харах цэг дээр ирсэнээ тэмдэглэх өдөр хэмээн зарлаж байна.

Амьдрал гэдэг гайхалтай! Аль улсад, хаана, хэний гэр бүлд, хэд дэх хүүхэд болж мэндлэхийг бид сонгодоггүй. Нэгэнт төрөөд өсөөд бойжоод явах явцдаа бид амьдралын гайхалтай гэгдэх бэлгийг хүссэн ч хүсээгүй ч хүртдэг.

Амьдралын бидэнд өгдөг, тэр гайхалтай гэж ирдэг бэлгийг хүртэх нь хааяа тийм амархан биш. Тэр бэлгийг хүртэхдээ бид огт мэдэхгүйгээр, ямар учиртай, яаж энэ бэлгээ ашиглах зааврыг нь ч мэдэхгүйгээр хүртдэг тохиолдлууд бий.

Захиалаагүй байхад өгсөн бэлгийг яахаа мэдэхгүйгээсээ, задалж ашиглаад амьдралаа яаж чиглүүлэхээ мэдэхгүйгээсээ бид айж эхэлдэг. Бэлэг гэж нэрлэмээргүй, гай барцад гэж нэрлэмээр ч юм шиг, гутамшиг ичгүүр гэж нэрлэмээр ч юм шиг санагдах нь ч бий.

Амьдрал бидний дааж чадах бэлгийг өгдөг.

Бидний сайн мэдэх Опра Винфрэй 9 настайгаасаа эхлэн удаа дараа хүчирдүүлж байсан. Бүх л насныхаа туршид гэр бүлийн хүчирхийлэл дунд өссөн. 14 настайд ээж нь охидийг хүмүүжүүлэх газар аваачиж өгөв.

Өөрөө юуг буруу хийснээ ч мэдэхгүй, яагаад би ийм байдалд орсон юм бол гэдгээ ч ойлгоогүй Опра бичиг баримтыг нь цэгцлэх зуурт хүлээлгийн өрөөнд сууж байхдаа. “Би муу охин учраас энд ирсэн. Би одоо албан ёсоор муу охин боллоо. Гэхдээ би яагаад энэ газар ирчихэв? Яаж яваад энд ирчихсэн юм бол? Энэ бүх охидууд бүгд муу охид. Би одоо эд нартай яг адилхан муу охин” гээд гайхширч өөрийгөө дуудахыг хүлээж байлаа.

Хүлээх зууртаа нэгэн хэсэгтээ, “Би уг нь ийм газар байх ёсгүй хүн дээ. Ийм газар надад тохирохгүй. Би муу охин биш.” хэмээн бодож, хувь заяандаа эргэлзэн тээнэгэлзэх зуур албаны хүн ирээд Опраг унтуулах ор байхгүй. орон тоо байхгүй гээд 2 долоо хоногийн дараа эргэж ирэхийг сануулаад явуулжээ.

Энэ үг Опрагийн хувьд авралын анхны дохио байлаа. Ээж нь түүнийг аавынх нь гэрт нь орхиод явжээ. Бурхан “Намайг муу охин биш” гэж итгээд яагаад ч юм нэг удаа өршөөгөөд явуулсанд нь Опра битүүхэндээ баярлаж байлаа. Удахгүй түүнийг жирэмсэн хэвлийгээсээ бүтэлтэй хүүхэд төрүүлж хүүхэд нь нас барахад аав нь “Энэ бол чиний хоёр дахь боломж. Энэ боломжийг ашиглаж амьдралдаа өөрчлөлт хий.” гэж сануулжээ.

Опра энэ боломжийг ашигласан. Тухайн үедээ юу гэж хэлэхээ ч мэдэхгүй, эргэлдэж гайхширч байсан ч, яагаад ч юм дотроо “Би одоо ойлгож ухаарсан. Би сайн мэддэг ойлгодог болсон юм чинь, үүнээс дээр юм хийнэ.” гэж өөртөө амалж байжээ.

Алберт Эйнштэйний хэлсэн алдартай үг бий. “Та амьдралыг 2 янзаар амьдарч болно. Нэг бол бүх юмыг ид шид, гайхамшиг гэж харж итгэж ид шидийн амьдрах. Нөгөө нь бүх юмыг байдал л энгийн зүйл” гэж

Амьдрал хүн болгонд янз янзын нөхцөл байдалыг өгдөг. Бид тэр нөхцөл байдлыг сонгож төрдөггүй ч өөртөө өгсөн бэлгээрээ нөхцөл байдлаараа яаж амьдрахаа сонгодог.

Бидний амьдралд тохиолдсон хүнд хэцүү гашуун нөхцөл байдлууд биднийг ямар нэгэн юм хийх дуудлага болж орж ирдэг.

Өнөөдрийн дасгалжуулалтын азтан бүсгүй маань яг Опра Уинфрэй шиг адилхан дахин амьдралаа өөрчлөх боломжийг 2 дахь удаагаа олж авсан юм.

Бяцхан охины 30 жил нуусан нууц хүч нууцалж явсан энэ гайхалтай бүсгүйнхээ танилцуулгыг уншиж өгье.

Би 35 настай. Эмэгтэй. Одоо Солонгос улсад нөхрийн хамт хараар 1 жил 3 сар ажиллаж амьдарч байна. Хоёр хүүхэдтэй. 16 настай хүү, 9 настай охин Монголд миний аавын асаргаанд хөдөө амьдардаг.
Надад 2 зорилго байна.
1. Гэр бүлээ санхүүгийн эрх чөлөөнд хүргэх бизнес сэтгэлгээтэй болох
2. Хүүхдүүдээ боловсролтой, эрдэм мэдлэгтэй зөв хүмүүс болгох
Энэ 2 сэдвийн хүрээнд өөрөө ч мэдэхгүй байгаа маш чухал асуултынхаа хариултыг олно гэж итгэлтэй байна.
Надад хүмүүс дургүй байдаг. Би олон хүнтэй орчинд байх үнэхээр хэцүү байдаг. бушуухан л нуугдмал газар ороод хийх гэснэ зүйлээ тухтай хийхийг хүсдэг. Яагаад гэхээр хүмүүс үргэлж дэмий ярьж хийгээд байх шиг санагддаг. Тийм болохоор тэрүү би нэг хүнтэй танилцаад 1-2 зүйл ярилцаад л цааш хамт байх сонирхол төрдөггүй.
Би ойрд яман нэгэн сэтгэл зүйн өвчтэй гэж өөрийгөө дүгнэх болсон. Жишээ нь хувиа хичээгч, муу хүн гэх мэт.
Надад ямар ч хөгжил дэвшил алга. Нэг л хэвийн амьдрал. Нөхөр маань надаас тэрс өөр хүн. Хүн бүртэй эвтэй, миний аль эрт таньж мэддэг хүнтэй дөнгөж танилцаад л найз болчихсон байдаг.
Би багадааа тохиолдож байсан маш муухай нууцуудтай. Хүүхдүүдээ өөр шигээ хүн болчих вий гэж айдаг. Хүү минь надтай их төстэй байж магадгүй.
Би боловсролтой, ухаалаг, өөрийн гэсэн санхүүгийн эрх чөлөөнд хүрчихсэн, хүүгээ эдийн засагч, охиноо улс төрч болгоно гэж үргэлж боддог. Миний хүү дуу цөөтэй ч багш нар нь тусгай гентэй байх их ухаалаг гэдэг юм. Тиймээс эдийн засагч болвол улс орондоо тустай. Харин охин минь сэргэлэн их уяхан, багш нь их хөөрхөн сэргэлэн гэж магтдаг юм. Тиймээс улс төрч зохино гэж итгэдэг.
Хүүхдүүдийнхээ төлөө миний хийж чадах бүх санаа сэдлээ би энэ дасгалжуулалтаас авна гэдэгт итгэлтэй байна.
гэж энэ бүсгүй маань бичжээ.

Бид энэ дасгалжуулалтын эхний хэдэн минутыг техникийн алдааны улмаас бичиж авч чадаагүй. Дасгалжуулалт болохын хэдхэн хоногийн өмнө энэ бүсгүй маань автомашины маш хүчтэй осолд орж, хэд хоног ухаангүй, маш хүнд байдалд байсан боловч Бурханы аврал, дахин амьдрах боломж олдсон юм.

Моника эгчийг энэ бүсгүйтэй холбогдох үед тэрээр эмнэлэгт хэвтэж байсан бөгөөд тархи толгой боодолтой, бие нь зовиуртай байдалд угтсан юм. Амьдралын дасгалжуулалтын азтан болсон алтан боломжоо алдахгүй гэсэндээ энэ бүсгүй энэ мөчийг үнэхээр бурханы өгсөн аврал гэж үзэж амьдралаа дахин өөрчлөхөөр гайхалтай зориг гаргасанд нь бид бахархалтай байна.

Одоо энэ ярилцлагаа сонсоорой.

Удахгүй түүнийг жирэмсэн хэвлийгээсээ бүтэлтэй хүүхэд төрүүлж хүүхэд нь нас барахад аав нь “Энэ бол чиний хоёр дахь боломж. Энэ боломжийг ашиглаж амьдралдаа өөрчлөлт хий.” гэж сануулжээ.

Click to Tweet

Өнөөдөр би таныг Амьдралаа өөрчлөх 30 хоногийнхоо хамгийн сүүлд, хамгийн гайхалтай, хамгийн хүчтэй урам зориг олгох гарын авлагыг танд бэлтгэсэн байгаа.

БЭРХШЭЭЛ БА БОЛОМЖ PODCAST 20 – АЙДСАА ХЭРХЭН ДАВАН ТУУЛАХ ЗОРИГ ГАРГАЖ СУРАХ ВЭ? бол таныг одоо байгаа байдлаасаа, таныг хойш татаж айлгаж байдаг, хар дарсан зүүднээсээ ангижрах урам зоригыг олгох болно.

Тухлаг орчноо тэлэх 10 зөвлөмжийг Monica Batsukh танд зориулан энэ аудио ярилцлаган дээр хуваалцах болно.

podcast-20

✓ Хүмүүс яагаад өөрчлөлт хийхээс айдаг вэ?

✓ Таныг ямар айдсууд зовоодог вэ?

✓ Тухлаг бүс таныг яаж хөгжүүлэх боломжтой вэ?

✓ Хэзээ зориг гаргах ёстой вэ?

ҮНЭ - 19000₮

screenshot-22-10-2016-20-28

Бэрхшээл ба Боломж подкастыг онлайн дэлгүүрээс татаж авахад туслалцаа хэрэгтэй эсвэл онлайн захиалгынхаа төлбөрөө гүйцэтгэхийг хүсвэл 77156053, 99156053 утсаар холбогдоно уу.

Хэвлэмэл номыг УБ хот доторхи хаягаар 77156053, 99156053 дугаарын утсуудаар авч үнэгүй хүргэж өгнө.

Хамгийн сүүлд танд хэлэхэд, 30 хоногт амьдралаа өөрчлөх аянд мордож байгаа таныг доорх 3 алхмыг өдөр бүр хийхийг бид хүсч байна.

  • 30 өдрийн дасгалжуулалтаар маш их юм анзаарлаа, харах өнцөг ч их тэллээ. Моникадаа маш их баярлалаа

    • Сайн уу, Мядагмаа? Юуны өмнө 30 хоногийн аянд нэгдэж өөртөө амьдралдаа гайхалтай оруулалт хийж байгаад бидний зүгээс мөн баяртай банйа. Өдөр бүрийн дасгалжуулалтаа цаг, сэтгэлээ зориулан сонсож амьдралдаа, өөртөө хэрэгтэй олон шийдлийг олоод авна гэдэгт итгэлтэй байна. Танд амжилт хүсье🤗

  • {"email":"Email address invalid","url":"Website address invalid","required":"Required field missing"}

    Онлайн дасгалжуулалтын хөтөлбөрүүдэд оролцохоор бэлтгэж байна уу?

    "Мөнгөний Сэтгэлгээ" онлайн дасгалжуулалтын хөтөлбөр

    Жил бүрийн 3 сарын 15нд эхэлдэг. "Биеэ зас" буюу хувь хүний амьдралаа өөрчилж санхүүгийн амжилтанд хүрэх сууриа тавиарай.

    "Гэр Бүлийн Динамик" онлайн дасгалжуулалтын хөтөлбөр

    Жил бүрийн 6 сарын 1нд эхэлдэг. "Гэрээ Зас" буюу гэр бүл хайр дурлалын харилцаагаа хөгжүүлэх мастер урлагийг эзэмшээрэй.

    "Миний Бизнес" Онлайн Дасгалжуулалтын Хөтөлбөр

    Жил бүрийн 9 сарын 1нд эхэлдэг. "Төрөө зас" буюу бизнес манлайлах чадвар, стратегиа өргөжүүлж тэрбумтан болох гараагаа эхлээрэй.

    "Амьдралын Дасгалжуулалт" ганцаарчилсан дасгалжуулалтын гэрээ

    Хувийн нандин яриа өрнүүлж зөвхөн өөртөө тохирох сэтгэлзүйн дэмжлэг авч, өөртөө итгэлтэйгээр амжилтанд хүрч цаг хожоорой.

    >